طريقة عمل البسطرمة فى المنزل بالصور وخطوة بخطوة

طريقة عمل البسطرمة

طريقة عمل البسطرمة

مكونات البسطرمة

عرق روستو وناس بتسميه (عرق تربيانكو – اوعرق الفخدة ) الحجم اللي تحبي
كوب ملح خشن
خيط مطبخ ثقيل
ملعقتين كبار ملح
ملعقة كبيرة فلفل اسود
فلفلة كبيرة احمر الوان ( او 3 حبات فلفل الرومي العادي )
2 راس ثوم كبار
ملعقة كبيرة كسبرة ناشفة
ملعقة كبيرة كمون
4 معالق كبار حلبه مطحونه
4 معالق كبار بابريكا
ملعقة كبيرة شطه
ربع كوب ماء

طريقة تحضير البسطرمة

الخطوة الاولى
نقوم بتنظيف اللحمة من الدهون الخارجية .
بعد ذلك نعمل ثقب في اول العرق بواسطة السكين ، ثم ندخل الخيط في الثقب ونربطه كويس كما موضح في الصورة .

– بعد ذلك نعمل بها شقوق ونضع فيها ملح ، ثم نضع عليها كوب ملح خشن من جميع الجهات ونغطيها كويس بالملح .
ملحوظة : لازم نضع ملح كويس جدا من جميع الجهات حتي لا تفسد ( الملح هوالمادة الحافظة ).
– بعدين نعلقها في ايد المطبخ ونضع تحتها طبق ، لمدة 24 ساعة حتي تصفي كل المياه اللي فيها .

الخطوة الثانية
– بعد ذلك نضغط اللحمة نضعها على طبق ،ثم نضع عليها ثقل تقيل اوي ، ونتركها لمدة 24 ساعة بعد مرحلة الضغط نعلقها تاني في الهواء لمدة 24 ساعة حتى تنشف تماما من المياه .
ملحوظة : لو لسه فيها ميه ممكن نسيبها في الهواء تاني لمدة 24 ساعة .

–الخطوة الاخيرة
بعد ذلك نحضر خلطة البسطرمة ( هي أساس الطعم والرائحة في البسطرمة )
نحضر كبة ثم نضع بها الفلفل الرومي ، الثوم ، الكسبره ناشفة ،الكمون ، الحلبه المطحونه ، البابريكا ، الشطه ، الفلفل اسود ، الملح ، و نضع الماء شوية بشوية ، ونخلطهم جيدا حتي نحصول علي عجينة .

– بعد ذلك نعلقها في ايد المطبخ ، ثم نفرد الخلطة علي البسطرمة ولانترك أي جزء خالي من الخليط ، ثم نضعها في مكان جيدا التهوية لمدة 12 يوم .

– بعد ذلك نقطعها رفيع ونضعها في اطباق وتضع في الفريز لحين الاستخدام .

اكلات من البسطرمة

– بيض بالبسطرمة
– فطيرشرقي بالبسطرمة
– بيتزا بالبسطرمة
– جلاش بالبسطرمة
– مكرونة بشاميل بالبسطرمة
– طاسة الجبن والبسطرمة
– مكرونة بالوايت صوص والبسطرمة

وبالهنا والشفا

تابعنا علي الفيس بوك

تابعنا علي التويتر