طريقة عمل البيتيفورالناعم بدون ماكينة
طريقة عمل البيتي فور
المكونات
4 اكوب من الدقيق
2 كوب من الزبدة طرية ( بدرجة حرارة الغرفة )
كوب سكر بودرة ( منخول )
2 بيضة كاملة أو ( 2 صفار بيض بس )
نصف ملعقة ص فانيليا
رشة ملح
ملعقتين كاكاو خام
للتزين
مربي
شكولاتة سايحة ( هانسيحها في حمام مية وعليها معلقتين زيت او في المكرويف وعليها معلقتين زيت )
فرماسيل الوان
جوز الهند
طريقة التحضير
– أول نحضر مضرب كهربائي أو ( عجان ) ثم نضع الزيدة الطرية في بولة غويطة ، ثم نضيف اليها السكر البودرة ، ثم نضربهم كويس لحد ما يبقي لونه كريمي فاتح .
– بعد ذلك نضيف بيضة بيضة ، ثم نضيف الفانيليا ونستمر في الضرب كويس جيدا .
– بعد ذلك نضيف الدقيق بالتدريج ونلم العجينه ومنعجنش كتير، ثم نقسم العجين الي نصفين ونضع ملعقتين الكاكاو وعليهم ملعقتين زيدة ونعجنهم كويس .
ملحوظة : يفضل نحطه في الثلاجه لمدة نص ساعة مش اكتر
– بعد ذلك نحضر قمع حلواني او ماكينه بيتي فور ونقطعها الشكل اللي تحبي .
ملحوظة : لو ماعندكيش ماكينة ولا قمع هانجيب قعر كوباية او ، تعملي خطوط بجنب الملعقة ، او قطاعات استانلس بتاعت البسكويت ،او تكوريها كور صغنونه و تلزقيهم في بعض هيبقى شكل ورده ، او بقالب الكحك الصغير ، قالب المعمول .
– بعد ذلك نضعهم في صواني الفرن ، ثم نضعها في فرن ساخن علي درجة حرارة 180 درجة لحد ما ياخذ لون ذهبي من تحت وياخذ اللون الاصفر الفاتح من فوق ونخرجه ونسيبه حتى يبرد تماما .
– بعد ذلك نلزق كل اتنين مع بعض بالمربى او الشوكولاتة السايحة ونغمسهم في شوكولاته او المربي واغمسيها في الفرماسيل الالوان او وجوز الهند ( التزيين حسب الرغبة )
وبالهنا والشفا
