طريقة عمل عجينة السبرنج رول بالصور والمقادير والخطوات

طريقة عمل عجينة السبرنج رول

طريقة عمل عجينة السبرنج رول

مكونات عجينة السبرنج رول

2 كوب دقيق منخول
كوب إلا ربع ماء ساخن ( مش مغلي درجة حرارتها 70 درجة )
ربع ملعقة صغيرة ملح
طبق فيه زيت ( لفرد العجينة )

طريقة تحضيرعجينة السبرنج رول

– أولا نحضر بولة ( او العجان ) و نضع فيها الدقيق ، والملح ، ثم نضيف الماء الساخن بالتدريج ونقوم بالعجن جيدا لمدة 6 دقائق ، حتي نحصل علي عجينة ملساء ومتماسكة ، ثم نغطيها ونتركها لمدة نصف ساعة .

– بعد ذلك نشكلها على شكل أسطوانة طويلة ورفيعة ، ثم نقطعها إلى قطع صغيرة الحجم ( زي حجم اليمونة ) ، تقريبا وزن كل قطعة 20جرام .

– بعد ذلك ناخذ كل كورة ونفردها بالنشابة ، ونفردها على هيئة دائرة ونكرر نفس العملية في اربع كور.

– بعد ذلك نجيب اربع طبقات العجين لي فردنا ونحط ما بين كل طبقة وطبقة مسحة من الزيت ، ونحط الطبقة التانية و برده مسحة من الزيت ،ونحط الطبقة الثالثة، وهكذا لحد ما نعمل اربع طبقات ما بين كل طبقة وطبقة مسحة من الزيت .
– بعد كده نفرد الاربع طبقات بالنشابة ، بحيث يكون الاربع طبقات سمك واحد .

– بعد ذلك نكون مجهزين علي البوتاجاز، حلة نصفها ماء وفوقها شبكة وعليها ورق زبدة مدهونة زيت ، على نار متوسطة الحرارة، او ( صاج الفرن او صينية ويكون مقلوب ) ولما تسخن نحط طبقات العجين نصف دقيقة من كل جهه وعشان تعرفي ان العجين استوى ولما تيجي تفكي الطبقات تفك معكي بكل سهوله لازم لون العجينه يتغير من الابيض للاصفر الفاتح الشفاف من كل الجهات ولو حسيتي ان في جزء لسه ابيض ارجعي حطي تاني علي ( الصاج أو الشبكة ) وركزي على الاطراف وشيليها على طول اول ما يتغير لونها وابدئي فكي الطبقات من بعض وهي سخنه علي طول هاتفك بكل سهوله .

ملحوظة : لازم تفكها وهي سخنة ولو حسيتي وانتي بتفكي الطبقات انها لزقه ماتشديش فيها عشان ما تقطعش ورجعي حطيها تاني علي (الصاج او الشبكة ) وتكون النار هاديه علشان ماتاخديش لون هتلاقيها فكت معكي بكل سهوله.

– بعد ذلك هنكرر العملية في كل الكميه اللي عندك وبعد ماتخلصي هتحطي كل الطبقات فوق بعض على فوطة نظيفة .
– بعد كده نفرد واحدة من السبرنج رول ونحشيها الحشوه اللي تعجبك ( ممكن ميكس جبن وفلفل رومي – لحمة مفرومة معصجة مع شرائح فلفل – شرائح فراخ مع جبنة موزاريلا و شرائح فلفل – خضار- جبنة مع الجزر والفلفل رومي ) ، ثمّ نغلقها ونلفها على شكل أصابع.

– ملحوظة : علشان تتقفل كويس نعمل خليط من الدقيق والميه وندهن على الطرف ونقفلها كويس .
– بعد ذلك نحضر مقلاة واسعة ونضع فيها الزيت ،ثم نضعها على النار متوسطة الحرارة ، حتى يسخن الزيت جيداً، ثمّ نقوم بوضع أصابع السبرنج رول وقليها في الزيت حتى تتحمر وتأخذ اللون الذهبي . نخرجها من الزيت ونضعها على مناديل المطبخ ، ثمّ نضعها في طبق التقديم بالهنا والشفا .

تابعنا علي الفيس بوك

تابعنا علي التويتر