طريقة عمل الفراخ المشوية علي الفحم زي المحلات
طريقة عمل فراخ مشوية
المكونات
دجاجة
ملعقة عسل كبيرة
كوب ماء بصل
ملعقتين معجون صلصة طماطم (او معلقتين كاشب ) حسب الرغبة
ملعقة كبيرة زعتر
ملعقة كبيرة بصل بودر
ملعقة كبيرة ثوم بودر
ملعقة كبيرة ملح
ملعقة صغيرة كركم
ملعقة كبيرة بهارات ( السبع بهارات )
ملعقتين كبار زيت
ربع كوب عصيرليمون
ربع كوب خل
طريقة تحضير الفراخ المشوية
– أولا نغسل الفرخة جيدا بالماء ، ثم ننقعها في ماء وخل وليمون وملح لمدة 10 دقائق، ثم نصفيها جيدا .
– بعد ذلك طريقة تقطيع الفرخة : نضع السكين من اول الصدر أسفل الرقبة مباشرة وننزل بها بين الصدرين ونفصلهم عن بعض ونفردها علي القطاعة،وبعدين نتخلص من الجزء اللي تحت فيه دهون ، وبعدين نكسر العظم اللي جنب السلسلة من الناحيتين ، ثم نفصل مفصل الوركين لحد ما يريح علي القطاعة ، وثم نجيب من اول الرجل من تحت وامشي جنب العظم لغاية ما اوصل لاخر العظم من فوق والمفصل هنفتحه من فوق وافصله اتنين، والناحية التانية كذلك .
ـ بعد ذلك نجيب من اول الرجل من تحت وامشي جنب العظم لغاية ما وصل لاخر العظم من فوق والمفصل هنفتحه من فوق ، الجناح نجيب السكين من تحت الجناح وافصل المفصل ، والجناح التاني بنفس الطريقة ، ونقطع الصدرمن تحت الجناح ونطلع علي بره ، ونعمل فيها فتحات بحيث نفرد الصدر ، والصدر التاني بنفس الطريقة ، ثم نعمل فتحات في الوركين ، علشان تسوي كويس .
ملحوظة : احنا بنفصل بس مش بنقتطع فصل المفاصل بس
– بعد ذلك نحضر التتبلية : نحضر بولة ونضع فيها ملعقة عسل ، و ملعقتين صلصة طماطم او ( كاشب ) ،وماء بصل ، وفلفل اسود ، وملح ، و بهارات ، وبصل بودر ، وتوم بودر ، و زعتر ، و بابريكا ، وكركم ، وعصيرليمون ، والخل ، والزيت ونقلبهم كلهم مع بعض
ونتبل بيهم الفرخة وتنقع لمدة 2 ساعتين علي الاقل ، ويفضل قبلها بيوم حتي تتشرب التتبيلة .
– بعد ذلك نولع الفحم ونرص الفراخ عالشبكه ونقفلها وكل شويه نقلب الشبكه على الجهتين لحد ما الفراخ تتشوي تماما .
ممكن نشويها في الفرن : نفردها في صينية فرن ونغطيها بورق الالمنيوم ، وندخلها علي فرن سخن في الارضية الفرن لمدة نصف ساعة ، ثم نضعها علي الشبكة ونشيل من عليها ورق الالمنيوم ، لحد تمام النضج ، ثم نولع الشواية حتي تاخد لون .
بعد ذلك تقدم في طبق التقديم مع البقدونس ، والسلطة الخضراء ، وبالهنا والشفا .
