طريقة عمل كعك العيد
طريقة عمل كحك العيد
مكونات الكحك
كيلو دقيق ابيض منخول ( بتاع الكحك والبسكويت )
نصف كيلو سمنة باردة أو زبدة مذابة ( بدون قدح او غليان )
ربع كوب حليب بارد
3/4 كوب ماء بارد
ملعقة كبيرة خميرة فورية
ملعقة صغيرة بيكنج بودر
نصف ملعقة صغيرة فانيليا
معلقتين كبار سمسم محمص
ملعقة كبيرة رائحة كحك ( من عند العطار )
ملعقتين كبار سكر بودرة
رشة ملح
سكر بودرة للتزين
طريقة عمل كحك العيد
مكونات العجمية والملبن
العجمية
3 معالق كبيرة سمنه
2 معلقة كبيرة دقيق
كوب عسل نحل
معلقتين كبيرة سمسم محمص
كوب عين جمل مجروش (او لوز – بندق – فول سوداني )
الملبن
نصف كيلو ملبن كحك
معلقة كبيرة سمنة بحرارة الغرفة
معلقة كبيرة سمسم
رشة من بهارات الكحك ( اختياري )
طريقة عمل كحك العيد
طريقة التحضير
طريقة تحضير العجمية : نحضر حلة ونضعها علي نار متوسطة الحرارة ، ثم نضيف السمنة وعليها الدقيق لحد ما ياخذ لون ذهبي اشقر ، ثم نضيف كوب العسل الابيض ، ونقلب لحد مالعسل يغلي مع السمنة والدقيق ويتقل لمدة دقيقة ونصف علي نار هادئة، ثم نطفي النار ، ونضيف السمسم ونقلب كويس ، ثم نضيف عين الجمل اواي نوع مكسرات تاني حسب ما تحبي ، ثم نضع العجمية في طبق ونفردها علشان تبرد تماما قبل التقطيع، ثم نكورها الي كور صغيرة الحجم .
طريقة تحضير الملبن : نضيف المكونات كلها علي بعض ، ونعجنها كويس لحد مايكون ناعم
، ثم نكوره الي كور صغيرة الحجم .
– ممكن نقطع الملبن سادة بدون اي اضافات حسب الرغبة .
طريقة تحضير الكحك
– نحضر طبق غويط أو ( عجان ) ونضيف فيه الدقيق المنخول ، ثم نضيف إليه السمسم ، والملح ، والبيكنج بودر، والخميرة ، والسكر ، ورائحة الكحك ، ونقلبهم مع بعض جيدا .
– بعد ذلك نضيف السمنة الباردة الى الدقيق ونعجنه ( نبسه ) كويس ، ثم نضيف الماء على اللبن ونضعها على العجين ونعجن كويس جيدا .
– بعد ذلك نشكل العجين ناخذ قطعة من العجين ، ثم نفردها باليد ونضع فيها الحشوة ( الملبن او العجمية ) ونكورها علي الحشوة أو نعملها سادة، وبعدين ننقشها بالمنقاش ، أو نضعها في القالب ، أو الطباعة ( البصامة ) ، ثم نرصهم في الصينية ونتركه يخمر لمدة ساعة ، ثم ندخله فرن ساخن علي درجة حرارة 160 درجة لمدة من 20 إلى 30 دقيقة.
ملحوظة : يتحسن إن تسوية كل نوع كحك في صينية لوحده علشان اختلاف درجات السوى.
ويفضل التسوية في فرن الكهرباء ، أو إي فرن مصدر الحرارة فوق وتحت مع بعض .
– للتزين نرش عليه سكر بودرة وبالهنا والشفا .
