طريقة عمل كوردون بلو

طريقة عمل كوردون بلو زي المطاعم

طريقة عمل كوردون بلو

المكونات

كيلو صدور فراخ عريضه
نصف ملعقة ص بصل بودرة
نصف ملعقة ص ثوم بودرة
نصف ملعقة ص بابريكا
نصف ملعقة ص فلفل اسود
ملعقة ملح
للحشوة
روز بيف او ( تركي مدخن – او لانشون فراخ مدخن – او سوسيس ) حسب الرغبة والمتوفر لديك
جبن شيدر
جبن رومي
لتغليف الفراخ
بيض
دقيق
بقسماط
رشة بيكنج باودر

طريقة التحضير

– نحضر طبق صغير ونضع فيه الملح ، والفلفل ، والتوم البودر، وبصل البودر، والبابريكا ونقلبهم مع بعض جيدا ، ثم نتبل بيهم الفراخ علي الوجهين .
– بعد ذلك نحضر كيس ثلاجة ونفتحه ، ونضع عليه قطعة من الفراخ ، وندقها بالمطرقة لنرققها علشان تستوي أسرع .
ملحوظة : بس ندق براحة علشان متتقطعش والحشوة تقع منها في الزيت .

– بعد ذلك نحضر رول استريتش ، ونقطع قطعة منه ونضع عليها قطعة الفراخ ، ثم نضع الرومي والشيدر والسوسيس ، ونلفها رول ، ونلف الستريتش عليها ونضعها في الطبق لحد مانخلص باقي الكمية بنفس الطريقة ، ونضعها في الفريزر لمدة نصف ساعة حتي تتماسك.

– بعد ذلك نحضر طبق ونضع فيه بيض وملعقتين لبن ونخلطهم جيدا ، ونحضتر طبق تاني ونضع فيها دقيق ، وبقسماط ، وملح ، وفلفل ، وبابريكا ، وبصل بودر ، وتوم بودر ، وبيكنج باودر ونقلبهم جيدا ، نفك الاستريتش من علي الفراخ وننزل بكل قطعه في البيض ثم خليط البقسماط ، ونسيبها تاني في الثلاجة لمدة ربع ساعة .
– بعد ذلك نحضر مقلاة ونضع فيها زيت غزير ونضعها عل نار متوسطه الحرارة ، وأول مايسخن الزيت نضع قطع الفراخ تتحمر وتاخذ الون الذهبي ، ثم نطلعها علي ورق مطبخ ، ثم نضعها في طبق التقديم ونقطعها الي حلقات .
وبالهنا والشفا

تابعنا علي الفيس بوك
تابعنا علي التويتر