طريقة عمل كيكة الهوهوز
طريقة عمل كيكة الهوهوز بطريقة سهلة وبسيطة و بطعم جديد ولذيذ ، وبمكونات ومتوفرة في كل بيت ويعشقها الكبار والصغار ، يالا بينا نشوف الطريقة .
المكونات
3 بيضات
كوبايتين ونص دقيق منخول
كوب سكر
3/4 كوب زيت
كوب لبن
اربع ملاعق كاكاو خام
2 ظرف فانيليا
كيس بيكج بودر
4 وحدات هوهوز
رشة ملح صغيرة
طريقة التحضير
ـ نحضر خلاط كهرباء ثم نضع في الخلاط البن ، والسكر ، والزيت ، والكاكاو ، و الهوهوز ، ونضرب المكونات مع بعض كويس لحد ما الصوص يتقل .
ـ بعد ذلك ناخذ كوب من الصوص ونضعه في الثلاجة .
ـ بعد ذلك نضع البيض والفانيليا علي باقي الخليط في الخلاط ونضربهم مع بعض جيدا ،نقوم بوضع الدقيق ورشة الملح والبيكنج بودر والكاكاو علي بعض، ونقلبهم جيدا ثم نزل بهم علي الخليط قليلا قليلا ونقلبهم جيدا .
ـ بعد ذلك نحضر صينية فرن وندهنها بالسمنه ورشي عليه القليل من الدقيق ، ثم نقوم بصب الخليط في الصينية ، ندخل الصينية إلى فرن محمّى مسبقاً على درجة حرارة 180 لمدة 25 الي 30 دقيقة حتي تمام النضج ، ثم نخرج الكيكة ونتركها تبرد ، ثم نضع عليه كوب صوص الشيكولاته ونزينها بقطع الهوهوز ، وبالهنا والشفا. .
ـ ملوحظة ازاي اعرف ان الكيك استوي : هاتي خلة اسنان ودخليها في وسط الكيك لو طلعت نظيفة مش عليها حاجة تكون استوت ولو لزق عليها كيك سائل تكون لسه ندخلها تاني لمدة 10 دقايق .
ـ ملوحظة كمان : ما تفتحيش علي الكيك قبل تلت ساعة .
